Termiz iqtisodiyot va servis universitetida Yangi yil bayrami ko'tarinki kayfiyatda nishonlandi! 

Yil sarhisobiga bag'ishlangan ushbu bayram tadbirini universitetimiz rektori Abdusamat Sattarov ochib berib, barcha ishtirokchilarni yaqinlashib kelayotgan 2025-yil bilan samimiy qutlab, iliq tilaklarini bildirdi.  

Tadbir davomida nihoyalanayotgan yilda erishilgan yutuqlar aks etgan maxsus videorolik namoyish qilindi. Professor-o'qituvchilar va xodimlar esa turli nominatsiyalar bo'yicha taqdirlanib, eʼtirof etildilar.

Bayramona ruh, sho'x raqslar, diltortar kuy-qo'shiqlar barchaga quvonch ulashdi. Tadbirda taniqli "Shou Brend" jamoasi, latofatli xonanda Nilufar Usmonova hamda so'z ustasi Shukrullo Isroilov o'z chiqishlari bilan barchani xushnud etdilar.   

Yangi yilda barcha ezgu niyatlaringiz ro'yobga chiqsin!