18-19 yanvar kunlari Karate WKF sport turi bo‘yicha bolalar, o‘smirlar va yoshlar o‘rtasida o‘tkazilayotgan "Termiz iqtisodiyot va servis universiteti rektori kubogi" ochiq turniri bo'lib o'tdi.Turnirning birinchi kunida 16-17, 8-9 hamda 14-15, 12-13, 10-11 va 6-7 yoshdagi o‘g‘il-qizlar o‘rtasida bellashuvlar tashkil etildi.

Turnirda Surxondaryo viloyatidagi barcha shahar va tumanlardan tashrif buyurgan 600 nafardan ortiq 5 yoshdan 17 yoshgacha bo'lgan bolalar va o'smirlar ishtirok etishdi, mazkur musobaqani o'tkazishda  universitet bilan birgalikda, Karate WKF assotsiatsiyasi Surxondaryo viloyati bo'limi,  viloyat sport boshqarmasi hamda "Respect" sport klubi yaqindan  hamkorlik qilishdi.

Musobaqada Surxondaryo viloyat hokimi o'rinbosari I.Saparov, Karate WKF bo'yicha O'zbekiston milliy terma jamoasi bosh murabbiysi S.Yusupov, Termiz iqtisodiyot va servis universiteti rektori A.Sattorov, Davlat xavfsizligi xizmati Surxondaryo viloyati boshqarmasi boshlig'i o'rinbosari G'.To'xliyev, shuningdek, sport sohasida e'tirof etilgan mutaxassislar marosimning faxriy mehmonlari sifatida tashrif buyurishdi.

 Sportchilar o'rtasida bo'lib o'tgan musobaqada qo'li baland kelib, faxriy 1-, 2- va 3-o'rinlarni egallagan o'g'il-qizlarga universitet homiyligi asosida medal,  diplom va qimmatbaho esdalik sovg'alari topshirildi.