Termiz iqtisodiyot va servis universitetining bir guruh professor-o'qituvchilari va talabalari Turkiyaning Izmit shahridagi Kocaeli (Kojaeli) universitetida malaka va tajriba almashish jarayonlarida ishtirok etmoqda. 
65 ming  nafar talaba tahsil olayotgan universitet Turkiyaning eng yirik sanoatlashgan markazida joylashgan bo‘lib, ko'p sonli sanoat markazlari uchun mutaxassislar tayyorlab beruvchi oliygoh hisoblanadi. Vakillarimiz universitetdagi 9 ga yaqin pedagogika yo‘nalishidagi fakultetlar faoliyatini o‘rganishdi. Ularga Kocaeli universiteti prorektori, o'qituvchi va magistrantlari hamrohlik qilishdi. 

Uchrashuvda TISU rektori A.Sattarov O'zbekistonda nodavlat oliy ta'limning  ahamiyati, universitetimiz faoliyati haqida ham to‘xtalib o‘tdi. 
Aytish kerakki, Kocaeli universiteti ERASMUS dasturi orqali 39 ta davlat bilan hamkorlik qiladi. Shuningdek, oliygoh qoshida ilmiy tadqiqot markazlari mavjud bo‘lib, ular umum ta'lim, o'rta maxsus ta'lim sohalari, dars mashg'ulotlari yo‘nalishida ilmiy faoliyat olib boradi. Safar davomida vakillarimiz ushbu markaz faoliyatini ham o‘rganishadi.