Termiz iqtisodiyot va servis universitetida sport va kitobxonlik tanlovi bo'yicha yutuqlarga erishgan bir guruh talabarni taqdirlash marosimi bo'lib o'tdi.

Unda universitet taʼsischisi Jamshid Pardayev so'zga chiqib, TISU nufuzini respublika tanlovlarida va jahon arenalarida baland ko'tarayotgan yoshlarimizni yutuqlari bilan qutladi. Shunday shijoatli yoshlarimizni har tomonlama qo'llab-quvvatlashga tayyor ekanligini bildirdi.

Shundan so'ng, Jismoniy madaniyat ta'lim yo‘nalishi talabalari Zarina Normurodova va Ne'matullo Jumayevlar sportning Taekwon-do ITF turi bo'yicha o'tkazilgan Jahon chempionatida oltin va kumush medal sohibi bo'lgani uchun tashakkurnoma,15 va 13 million so'm pul mukofoti bilan taqdirlandi.

"Kitobxon yoshlar ligasi"da "Eng faol targ'ibotchi" nominatsiyasi g'olibi bo'lgan Tibbiyot fakulteti talabasi Mustafo Xurramovga esa 10 million so'm vaucher topshirildi. Shuningdek, ushbu talabalarning murabbiylari ham 10 million so'mdan moddiy rag'batlantirildi.