Termiz iqtisodiyot va servis universiteti Pedagogika kafedrasi professor-o'qituvchilari tomonidan ilmiy-amaliy seminar o'tkazildi. 

Unda Oliy Attestatsiya Komissiyasi Nizomi talablariga muvofiq, pedagogika fanlari bo'yicha falsafa doktori (PhD) va magistr ilmiy darajasini olish uchun yoziladigan dissertatsiyalarning rasmiylashtirilishi, yozilish qoidalari  bo'yicha kerakli  tushunchalar berib o'tildi. Xususan, seminar doirasida himoyaga chiqish arafasida turgan tadqiqotchilarga bu jarayonda asqotadigan rasmiylashtirish qoidalarining ahamiyatli xususiyatlari amaliy tarzda ko'rsatib berildi. 

Mazkur seminar tinglovchilari sifatida qatnashgan Ta'lim va tarbiya nazariyasi va metodikasi (Boshlang'ich ta'lim) mutaxassisligi magistrantlari uchun ham ilmiy yangiliklarga boy bo'ldi. Takliflarga binoan seminar har haftada o'tkazilishi rejalashtirildi.