Termiz iqtisodiyot va servis universiteti talabalari, oʼqituvchi, professorlari ishtirokida "Soʼz mulkining sultoni Mir Аlisher Navoiy" nomli adabiy badiiy anjuman oʼtkazildi. Unda Navoiy ijodiy merosi, asarlari, hayoti haqida maʼruzalar oʼqildi. Talabalar shoir ijodidan namunalar, sahna koʼrinishlari ijro etdilar. Yakunda "Eng yaxshi ijro" nominatsiyasi boʼyicha universitet talabalari Nozima Аbdunabieva, Sobir Аshurov, Sevinch Toshtemirova, Nilufar Аlisherova, Jasur Safarov noutbuk, yana bir guruh talabalar faol ishtiroklari uchun esdalik sovgʼalari bilan taqdirlandi. Tadbirda universitet gazetasini nomlash boʼyicha tanlov eʼlon qilindi. Sana munosabati bilan dasturxonlarga osh tortildi.