TISUda tahsil olayotgan talabalarning muammolarini hal etish, taklif va tashabbuslarini tinglash maqsadida rektor va yoshlar uchrashuvi tashkil etildi. Kirish soʻzida universitet rektori A.Sattarov Prezidentimizning yoshlarga bildirayotgan ishonchi, ular uchun yaratilayotgan imkoniyatlar xususida toʻxtalib oʻtdi.

Talabalar tomonidan ta’lim, sport, ijtimoiy-iqtisodiy va boshqa sohalardagi muammo va takliflar bildirildi. Uchrashuvda TISU rektori A.Sattarov universitetda oshirilayotgan sa'y-harakatlarning barchasi talaba-yoshlarning kelajagi uchun ekanligini, har jabhada yoshlarni qo'llab-quvvatlashini ta’kidlab, yetuk kadr bo'lishlariga ishonch bildirdi.

Uchrashuv samimiy, ochiq suhbat shaklida oʻtkazildi va barcha tinglovchilar oʻzlarini qiziqtirgan savollarga javob olish imkoniyatiga ega boʻldilar.