"Muvaffaqiyatli insonlarni o'zaro bog'laydigan uch xislat bu: samimiylik, tirishqoqlik va noanʼanaviy fikrlashdir." Amerika Qo'shma Shtatlarida yashovchi o'zbekistonlik mashhur bloger, huquqshunos va aktyor Otabek Mahkamov muvaffaqiyatga erishish uchun qanday xislatlarga ega bo'lish kerak, degan savolga shunday javob berdi.

Bugun TISUda O.Mahkamov hamda so'z ustasi Sh.Isroilov bilan o'tgan uchrashuv ana shunday eksklyuziv savollarga boy tarzda o'tdi. 

Seminar-trening tarzda tashkil etilgan tadbir davomida O.Mahkamov "Zamonaviy jurnalistika va blogerlik: afzalligi, muammolari" mavzuida o'z tajribalari bilan o'rtoqlashdi.

Tadbir nihoyasida talabalarning savollariga javob berarkan, inson hamisha yuksaklikka intilishi va o'zini tahlil qilishi lozimligini ta'kidladi. TISUda tahsil olayotgan talabalar ko'proq kitob oʻqib, ilm olib, o'z yurtiga foyda keltiradigan insonlar bo'lib yetishishlariga xayrixohligini bildirdi.