Bugun Termiz iqtisodiyot va servis universitetida Yozuvchilar uyushmasi viloyat bo‘limi hamda "Barqaror hayot" markazi bilan hamkorlikda "Mediasavodxonlik - hamma uchun muhim!" mavzusida seminar-trening mashg‘uloti tashkil etildi.

Mashg‘ulotda Yozuvchilar uyushmasi vakili, trener Mastura Hamrayeva, "TISU xabarnomasi" gazetasi bosh muharriri Feruza Rahmonqulovalar feyk xabarlarni aniqlash, fakt cheking qilish usullari, ijtimoiy tarmoqlar orqali xavf solayotgan kiberjinoyat turlari haqida talabalarga ma’lumotlar berishdi.

Shuningdek, ishtirokchilarga "Barqaror hayot" markazi tomonidan tarqatma materiallar hamda faol qatnashganlarga sovg‘alar taqdim qilindi. 

Trening nihoyasida talabalar uchun kichkina furshet tashkil etildi.