30-iyun Yoshlar kuni munosabati bilan "Yoshlar oyligi" doirasida  "Bilim va tafakkurimiz - shu el uchun, shu yurt uchun!" shiori ostida, yoshlar ma’naviyatini yuksaltirish, ularning bo‘sh vaqtini mazmunli tashkil etish  iqtidorli talaba-yoshlarni kashf etish, ularni rag’batlantirish, yoshlarning bo‘sh vaqtlarini to‘g’ri taqsimlash maqsadida,  Termiz iqtisodiyot va servis universitetida “Talant shou“ ko‘ngilochar madaniy tadbiri o‘tkazildi. Tadbir doirasida Ranglar jilosi" rang tasvir va "Nafosat" nomli milliy liboslar ko'rgazmasi hamda sportning shaxmat, stol tennis turlari bo'yicha do'stlik musobaqasi badiiy kechaga yuqori shukuh ulashdi.

       Universitet  rahbariyati va Yoshlar ittifoqi tashabbusi bilan tashkil etilgan va talabalarning iqtidorini kashf etishga bag’ishlangan tanlov pozitiv kayfiyat va raqslarga boy tarzda olib borildi. Iste’dodli talabalar tomonidan ijro etilgan milliy va zamonaviy kuy-qo‘shiqlar tomoshabinlarga manzur bo'ldi. Tadbir so'ngida ijodkor yoshlar universitet rahbariyati tomonidan estalik sovg'alar bilan taqdirlanishdi.